Duke komentuar vizitën e këshilltarit special të Departamentit të Shtetit, Derek Chollet, në Serbi e Kosovë, nënkryetarja e Kuvendit të Serbisë dhe deputetja Popullore e Partisë Socialiste të Serbisë, Snezhana Paunoviq, ka folur edhe për marrëdhëniet e ShBA-së me pushtetin aktual në Kosovë.
Kosovo Online raporton se Paunoviq, ka thënë se beson që ShBA-ja do të bëjë atë që Kurti veç e ka përjetuar një herë – do ta sjellë qeverinë e tij në krizë.
"Do të vijë dikush që do të jetë më i arsyeshëm. Kurti do të mbetet faktor politik, por jo në këtë cilësi dhe me këtë ndikim,"- raportohet të ketë thënë Paunoviq.
Ndër të tjera, duke folur për vizitën e Chollet në Beograd, ajo ka shtuar se zyrtari amerikan ka treguar mirëkuptim dhe resepkt më të madh për palën serbe, diçka që nuk e kishte parë nga Gabriel Escobar.
*Snezhana Paunoviq, është aleate e ngushtë e presidentit serb Aleksandar Vuçiq, andaj këto deklarata duhet të merren me rezerva
