Kryetari i Lëvizjes Qytetare “Odgovor”, Boban Bogdanoviq, thotë se Kosova do ta marrë njohjen nga Serbia. Ai gjithashtu ka lavdëruar kryeministrin e Kosovës, Albin Kurti, për, siç thotë ai, këmbënguljen dhe politikën e guximshme që po udhëheq.
Bogdanoviq në një postim në Twitter tjetër ka shkruar se “Kosova do ta marrë njohjen nga Serbia”.
“Këtë e vërtetoi sot Aleksandar Vuçiq. Këtë fakt duhet përshëndetur për shkak të paqes rajonale dhe stabilitetit të plotë të Ballkanit perëndimor dhe të gjithë neve, që investojmë përpjekje të mëdha politike me qëllim të zgjidhjes përfundimtare. Kurse Serbia do ta fitojë tradhtarin më të madh në historinë e saj”, ka shkruar Bogdanoviq.
🇽🇰 ће добити признање 🇷🇸, то је данас потврдио @avucic
— Бобан Богдановић (@0dgovor) January 20, 2023
Ту чињеницу треба поздравити због регионалног мира и пуне стабилности региона Западног Балкана и свих нас, који улажемо велике политичке напоре у циљу коначног решења.
А 🇷🇸?
🇷🇸 ће добити највећег издајника у својој историји!
Në një postim tjetr në Twitter, Bogdanoviq e ka përgëzuar kryeministrin Kurti për këmbënguljen e tij politike.
“E përgëzoj kryeministrin Albin Kurti për këmbënguljen e tij politike, e cila do të synojë anëtarësimin e Kosovës në OKB”, ka shkruar Bogdanoviq.
E përgëzoj kryeministrin @albinkurti për këmbënguljen e tij politike, e cila do të synojë anëtarësimin e 🇽🇰 në 🇺🇳.
— Бобан Богдановић (@0dgovor) January 20, 2023
Normalizimi i marrëdhënieve me 🇷🇸, përkushtimi i 🇽🇰 për integrime euroatlantike dhe bashkëpunimi me serbët e 🇽🇰 është politikë e guximshme e @albinkurti
Urime 🇽🇰🇪🇺🇷🇸
“Normalizimi i marrëdhënieve me Republikën e Serbisë, përkushtimi i Kosovës për integrime euroatlantike dhe bashkëpunimi me serbët e Kosovës është politikë e guximshme e Albin Kurtit”, ka shkruar ai.
Ndryshe, kryetari i Lëvizjes “Odgovor”, Boban Bogdanoviq, më 17 dhjetor 2022, derisa po ktheje nga Kosova është ndaluar në vendkalimin kufitar në Merdar, ku policia e Serbisë nuk e kanë lejuar të hyjë në Serbi.
