Kryetarja e Lëvizjes Evropiane të Serbëve nga Kosova, Rada Trajkoviq, ka njoftuar në Twitter se vajza e saj është ndaluar sërish në aeroportin e Beogradit, teksa po dilte nga vendi.
“E gjithë familja është në një lloj liste” pa asnjë arsye, asnjë aktivitet politik – vetëm sepse janë fëmijët e mi. Edhe sa?”, ka shkruar Trajkoviq dhe ka etiketuar në postim llogaritë e Presidentit, Kryeministrit dhe Qeverisë së Serbisë në Twitter.
Kujtojmë se kjo nuk është hera e parë që vajza e Rada Trajkoviqit ndalohet në aeroport.
Në fund të vitit të kaluar, kjo gjë i ka ndodhur në linjën Beograd-Londër dhe është ndaluar si në momentin e mbërritjes ashtu edhe në momentin që po largohej nga Serbia.
