Klinika e Onkologjisë ka reaguar ndaj shkrimit që qarkulloi sot në media "Radhë të gjata në Onkologji, pacientët të tmerruar me çmimet e medikamenteve"
Në sqarimin e kësaj klinike thuhet se asnjë pacienti nuk i ka munguar shërbimi ditën e djeshme dhe se shumica e ilaçeve janë ofruar në klinikë, me ndonjë mungesë të vogël.
Reagimi i plotë:
Në lidhje me shkrimin "Radhë të gjata në Onkologji, pacientët të tmerruar me çmimet e medikamenteve", Klinika e Onkologjisë reagon, duke sqaruar publikun se gjatë ditës së djeshme në Klinikën e Onkologjisë janë ofruar shërbime për 330 pacientë në Shërbimin e Kemioterapisë dhe 100 pacientë kanë marrë trajtim me rrezatim, asnjë pacienti nuk i ka munguar shërbimi.
Të gjithë pacientët që kanë pasur nevojë për trajtim janë mjekuar sipas rregullit dhe protokolleve, pa asnjë problem.
Sa i përket ilaçeve, shumica janë ofruar në klinikë, me ndonjë mungesë të vogël.
Me respekt,
Klinika e Onkologjisë-QKUK
