Nënshkrimi i Ukrainës në një letër tejet mbështetëse – nga rreth 50 figura të larta politike amerikane dhe evropiane – ndaj Kosovës dhe thirrje për heqje dorë nga “beogrado-centrizmi”, jo pak kujt i kishte ngjallur një prospekt të një përafrimi në marrëdhëniet ndërmjet Kievit dhe Prishtinës.
Në vend u mirëprit dhe u brohorit si shpresëdhënëse pas nënshkrimit të atyre qëndrimeve nga Kryesuesi i Komisionit për Punë të Jashtme në Parlamentin e Ukrainës, Oleksandr Merezhko, ky i fundit bashkëpartiak i Presidentit të Ukrainës, Volodymyr Zelensky.
Beogradi, s’do shumë mend që kishte reaguar në histeri, ku edhe vetë Presidenti i Serbisë, Aleksandar Vuçiq, do të shpërthente në vlerësime si “po ta njihte Ukraina Kosovën, do të humbiste githçka brenda natës” si dhe bënte thirrje që Zelensky të jetë “më i mençur” se Merezhko.
Kjo krijoi fërkime në distancë mes akterëve politikë në Beograd dhe Kiev.
Brenda kësaj atmosfere, tashmë Beogradi pretendon të ketë korrur fitore në takimin e liderëve rajonal në Athinë, në 20 vjetorin e Deklaratës së Selanikut, ku mysafir special ishte vetë presidenti ukrainas, Volodymyr Zelensky.
Ky i fundit zhvilloi takime me të gjithë, përveç me Kryeministrin e Kosovës, Albin Kurtin – të cilit ia shtrëngoi dorën vetëm kalimthi.
Në rrjetin e tij në Twitter, Zelensky me t’u kthyer në vendin e tij njoftoi për të gjitha takimet që kishte zhvilluar në Athinë, dhe veç një emër e veç një shtet s’përmendej – Kurti dhe Kosova.
“Pata bisedime me krerët e Bullgarisë, Serbisë, Kroacisë, Malit të Zi, Maqedonisë së Veriut, Moldavisë, Komisionit Evropian. Po kthehemi në shtëpi me mbështetje të re politike dhe marrëveshje që e bëjnë Ukrainën më të fortë”, tha Zelensky në një videomesazh.
Zelensky, megjithatë, takoi Presidentin e Serbisë, Aleksandar Vuçiq, ku për takimin me të njoftoi se kanë biseduar për “paprekshmërinë e kufijve” dhe “kartën e OKB-së”; tema dy këto që Vuçiq i ka të programuara në secilën pjesë të paraqitjeve të tij sa i përket Kosovës; duke u thirrur në gjoja validitetin e Rezolutës 12/44 të vitit 1999; Rezolutë e cila kjo e cila gjen mbështetjen të Federatës Rues dhe Kinës në Këshill të Sigurimit të Kombeve të Bashkuara.
“Patëm bisedë mbi respektimin e Kartës së OKB-së dhe paprekshmërinë e kufijve”, shkroi Zelensky, dhe kjo deklaratë morrin hovin në ballinat e mediave të afërta me qeverinë serbe, si konfirmim nga vetë Zelenksy se Ukraina do të vazhdojë mosnjohjen e Kosovës.
Gjatë kësaj kohe, Ministri i Punëve të Jashtme i Serbisë, Ivica Daçiq, zhvilloi takim me ambasadorin rus në Beograd, Aleksnadar Boçan Harçenko, ku refuzimi i sërishëm i Vuçiqit, edhe në Athinë me liderë të BE-së, për t’iu bashkuar sanksioneve perëndimore ndja Federatës Ruse, u komentua “pozitivisht” nga Harçenko.,
Daçiq i dha jehonë deklaratës së Zelensky-it për “papreshkmëri të kufijve” për çka tha se Serbisë iu konfirmua qëndrimi ukrainas se nuk ka njohje të Kosovës, dhe se nënshkrimi i Merezhkos në letrën mnbështetëse ndaj Kosovës ishte “thjesht pikëpamje individuale” e jo qëndrim i Kievit.
“Kosova po provon të lobojë përmes tyre (Merezhkos) për ndryshim të qëndrimit të Ukrianës, dhe kjo neve na thotë që janë qëndrime ende individuale, dhe mendoj se këtu është rëndësia e takimit me Zelensky-it”, tha Ivica Daçiq duke folur në Tv Pink.
Sepse përndryshe, shprehet i bindur Daçiq, “kjo do t’ua shkatërronte të tërën mbi çka mbrohen” dhe se “është tejet e rëndësishme që këtë (mosnjohjen e Kosovës) ta dëgjoni nga vetë zyrtarët e Ukrainës”.
“Ukraina është vend mik për neve, kurrë s’kemi pasur probleme, na kanë ndihmuar kur ne ishim nën sanksione”, ka vazhduar Daçiq.
Edhe këshilltari i Zelensky-it, Mihail Podoljak, duke folur për N1, tha se sa i përket Kosovës, Ukraina mbetet në qëndrimin e kahershëm të saj.
"Ekziston një qëndrim zyrtar i Ukrainës që nënkupton se Kosova është, në fakt, territor serb. Në fakt, nuk është serb, por është territor i panjohur”, ka deklaruar ai.
Vuçiq, pas takimit me Zelensky-in tha se “prekëm zvhillimet në Ukrainë dhe Kosovë” si dhe “ia theksova sërish që Serbia respekton integritetin territorial të Ukrainës”.
