Në ambientet e kësaj shtëpie u vendos në vitin 2021.
Por të martën ishte dita e fundit e Milica Tafollit në Shtëpinë e të Moshuarve në Prishtinë.
Kjo pasi 84 vjeçarja me nacionalitet serbe vdiq në dhomën e saj.
E vdekja e Tafollit u konstatua nga ekipi mjekësor.
Në konstatimin e mjekut të siguruar nga tëvë1 thuhet se e moshuara ndërroi jetë në orën 18:29.
Urim Seferi, Shefi i Shërbimit Social në Shtëpinë e të Moshuarve thotë se vdekja e Tafollit është natyrale.
“Pasi e kemi marrë informatën nga infermierët kujdestarë që Milica Tafolli ka ndërruar jetë, për shkak të procedurave edhe pse urgjenca e qytetit ka ardhë ka bo konstatimin e vdekjes, në bazë të konstatimit vdekja është natyrale. Për shkak të procedurave ne kemi dalë në punë dhe kemi ftu organet e rendit”, ka thënë Seferi.
Kurse nga Policia e Kosovës thonë se rasti është në hetime.
“Një femër e nacionalitetit serb i është keqësuar gjendja derisa ishte në Shtëpinë e Pleqve. Përkundër intervenimit të stafit mjekësor e njëjta ka ndërruar jetë. Rasti në hetime”, thuhet nga Policia e Kosovës.
Për këtë rast, media kontaktuar edhe Prokurorinë Themelore në Prishtinë.
Nga ky institucion u bë e ditur se trupi i pajetë është dërguar në IML për obduksion.
