Ish-ambasadorja e Kosovës në ShBA, Vlora Çitaku, ka lavdëruar SHBA-në dhe popullin amerikan.
Ajo ka vlerësuar se Amerika nuk është vetëm e madhe, e fuqishme dhe e pasur.
Derisa ka treguar një ndodhi interesante të nipërve të saj me nipin e saj dhe disa ushtarëve amerikanë, Çitaku ka bërë me dije se SHBA-ja është e mirë sepse të tillë janë amerikanët.
“Amerika nuk është vetëm e madhe. E fuqishme. E pasur. Amerika është e mirë, sepse amerikanët janë të tillë. Qofshin të pasur, të varfër, të pushtetshëm ose jo. Kam jetuar 7 vite në SHBA dhe e kam ndjerë mirësinë e popullit amerikan çdo ditë.”, ka shkruar ajo në profilin e saj në “Facebook”.
Ajo ka treguar se këtë ndenj e kanë edhe nipat e saj.
“E dje e ndjenë edhe nipat e mi. Derisa Arbëri e Dielli po drekonin me prindërit e tyre, vijnë në piceri edhe një grup oficerësh amerikan. Dielli e Arbëri, të fascionuar nga prania e tyre, i përshëndesin dhe i falenderojnë.
E një ushtarë nga Texasi, i cili është larg familjes së tij në mënyrë që ne të jemi të sigurt, vendos ta falenderoj Arbërin e Diellin duke u vizatuar nga një karikaturë”, ka shkruar Çitaku.