Në Fushë Kosovë burri e rrah brutalisht gruan pas një mosmarrëveshjeje, viktima dërgohet në QKUK

Lajme

Në Fushë Kosovë burri e rrah brutalisht gruan pas një mosmarrëveshjeje, viktima dërgohet në QKUK

Më: 29 maj 2024 Në ora: 23:07
QKUK

Vajzat dhe gratë po vazhdojnë të jenë viktimat më të shpeshta të dhunës që përjetojnë qoftë nga bashkëshortët apo partnerët e tyre. Kjo dukuri shqetësuese ka marrë përmasa të mëdha kohëve të fundit.

Në mesin e shumë grave ndaj të cilëve është ushtruar dhunë fizike e psikike është edhe një 31-vjeçare nga Fushë Kosova, e cila është sulmuar brutalisht nga burri me të cilin bashkëjeton tash e një kohë.

Viktima ka kërkuar ndihmën e Policisë, ku ka deklaruar se pas një mosmarrëveshjeje, i dyshuari ka eskaluar në dhunë fizike ndaj saj duke e goditur me shqelma e grushte.

Si pasojë e dhunës, viktima ka marrë lëndime trupore dhe është dërguar në QKUK.

Ndërkohë, të njëjtat burime kanë njoftuar se i dyshuari është arrestuar dhe është shoqëruar në stacion policor për intervistim.

Pas përfundimit të procedurave policore, Prokurori i Shtetit ka urdhëruar ndalimin e të dyshuarit dhe i njëjti do të hetohet nën dyshimet për kryerjen e veprës penale ‘Dhuna në familje’.

comment Për komente lëvizni më poshtë
Sot mund të lexoni Shfletoni kopertinat