Aleksandar Arsenijeviq, politikan lokal nga veriu i Kosovës, ka akuzuar drejtoreshën e Shtëpisë së Shëndetit në Gorazhdevc të Pejës se po i kërcënon dhe shkarkon të punësuarit në Shtëpinë e Shëndetit.
“Mirjana Drigant, drejtoreshë e Shtëpisë së Shëndetit në Gorazhdevc e cila me javë nuk lajmërohet në vendin e punës dhe në të njëjtën kohë nuk jeton në Gorazhdevc, i kërcënon punëtorët dhe i shkarkon duke ua dërguar vendimet (mbi shkarkim) përmes Postës së Serbisë”.
Keshtu ka shkruar Arsenijeviq në Facebook.
Sipas tij, ky “lloj i njerëzve” po e dëbojnë popullin serb nga Kosova.
