Është nga qyteti më i vjetër në botë.
E viti 2024, po e gjen afër 3 mijë kilometra larg shtëpisë.
Është ky A.H, refugjat palestinez nga qyteti i Jerichos.
Bashkë me familjen, A.H nga viti 2017 po jeton në Kosovë.
Kjo meqë dy pronat e tij në Palestinë, tani janë duart e izraelitëve.
“Unë i kam dy shtëpi në Palestinë, njëra pronë me 1 hektar e 700 metra e cila ishte pronë e gjyshit tim, por që aty tani Izraeli po ndërton komplekse banesore. Tjetrën shtëpi e kam në Jericho, në qytetin më të vjetër në botë dhe vlera e asaj prone është milionëshe. Por, edhe aty Izraeli po ndërton ndërtesa të mëdha. Ne i dërguam avokatët sepse toka është e jona, kurse ata na thanë; nëse e doni, paguani paratë dhe merreni pronën. Por ne i kemi të gjitha dokumentet që pronat janë tonat”, shprehet refugjati palestinez.
Babai i gjashtë fëmijëve, thotë se forcat izraelite ja ndaluan hyrjen në vendlindje.
Kjo meqë babai dhe i vëllai, iu vranë në luftën mes izraelitëve dhe palestinezëve.
“Ministri i Mbrojtjes së Izraelit i quajti palestinezët “kafshë”, kjo ishte edhe në lajme dhe e dëgjoi e gjithë bota. Ministri tjetër, Bën Gavir nuk tha se duhet t’i vrasim vetëm myslimanët, por të gjithë palestinezët dhe arabët. Por, një ditë të gjithë palestinezët do të kthehen në vendlindje dhe për këtë duhet një gjë shumë e vogël; duhet që Amerika, Britania e Madhe, Franca dhe Gjermania të mos e ndihmojnë Izraelin dhe pastaj do të ishte shumë e lehtë për palestinezët, sepse palestinezët janë njerëz të fortë e me zemër të madhe”, thotë ajo.
Me profesion veterinar, A.H vjen nga Bregu Perëndimor.
Por, nuk lë ditë pa u interesuar për atë se çfarë po ndodh në Gaza.
“Gaza ndodhet mes detit Egje dhe Afrikës, prandaj Izraelit po synon ta hap një kanal nga Deti i Kuq në Detin e Vdekur dhe Gaza po paraqet një problem të madh për Izraelin, sepse aty ka njerëz që po e luftojnë Izraelin gjatë gjithë kohës dhe kjo është një e drejtë e palestineze. Izraeli po i thotë gjithë botës se kjo tokë është e imja, por nuk ishte aty 70 vjet më parë, apo 300 vjet më parë.Tani janë vrarë 17 mijë fëmijë, 188 gazetarë, 483 doktorë, 85 mjekë nga Kombet e Bashkuara. Izraeli po i bombardon kampet ku janë fëmijët, shkollat, spitalet, pa shikuar se kush është aty”, shprehet ai.
Babai i gjashtë fëmijëve, thotë se për Kosovën dëgjoi rastësisht nga një diplomat kosovar.
Ndërsa këtu përjetoi diçka që nuk e kishte përjetuar më parë.
“Si refugjatë, në çdo vend ne iknim nga policia. Por, kur erdha në Kosovë, polici më tha: Përshëndetje zotëri! Unë këtë nuk e kisha dëgjuar as nga “Izraelitët, as nga jordanezët apo diku tjetër. Polici kosovar ma mori pasaportën dhe më tha ‘Mirë se vjen në Kosovë’.Unë në Kosovë erdha në muajin Ramazan dhe fëmijët në Prishtinë para festës së Bajramit na sollën ëmbëlsira dhe fqinjët në syfyr na sollën një ushqim tradicional shqiptar. Kosovarët janë njerëz të mirë, me zemër të mirë”, tregon ky refugjatë nga Palestina.
Ndryshe, vetëm nga 7 tetori i vitit 2023, afër 2 milion palestinez janë zhvendosur nga shtëpitë e tyre.
Ndërsa në total, numri i palestinezëve që jetojnë jashtë shtetit të tyre, ka arritur në 7.4 milionë.
