Sot, arsimi në Komunën e Vushtrrisë ka humbur një prej mësimdhënëseve të saj më të dalluara, Nexhmije Canolli Avdiu, e cila ndërroi jetë pas një beteje të gjatë me një sëmundje të rëndë.
E angazhuar si mësimdhënëse në shkollën “28 Nëntori” në Vërnicë, Nexhmije Canolli Avdiu do të mbahet mend për përkushtimin e saj të jashtëzakonshëm ndaj nxënësve dhe familjes.
Gjatë karrierës së saj, ajo ka arritur suksese të shumta me nxënësit në gara diturie, duke lënë gjurmë të pashlyeshme në arsimin lokal.
Kolegët, nxënësit do ta kujtojnë atë si një shembull të mësueses së devotshme, që ishte gjithmonë e gatshme të japë më të mirën për edukimin e brezave të rinj.
Varrimi i të ndjerës do të bëhet sot në ora 12:00, në fshatin Dumnicë e Mesme të Vushtrrisë.
Ngushëllimet më të sinqerta familjes, kolegëve dhe të gjithë atyre që e njohën Nexhmijen në këtë moment të dhimbshëm. Kujtimi i saj do të mbetet i paharruar.
