Gazetari i medias gjermane, Deustche Welle, Bahri Cani, ka komentuar sërish protestat në Beograd, të cilat po zhvillohen kundër regjimit të Aleksandar Vuçiqit.
Ai përmes një postimi në Facebook u shpreh se regjimi i Vuçiqit është në krizë serioze.
Krahas kësaj, Cani tha se ‘gjendja është e elektrizuar si dikur në kohën e Millosheviqit. E këtë dëshmojnë edhe sulmet me thika e makina kundër studentëve dhe qytetarëve!”, përcjell “Bota sot”.
Postimi i plotë
Për ata që nuk po përcjellin ngjarjet në Beograd, regjimi i Vuçiqit gjendet në një krizë serioze. Çdo natë po protestojnë me mijëra e shpesh edhe me dhjetëra mijëra studentë dhe kundërshtarë të Vuçiqit. Ndërsa ai çdo mbrëmje po ju drejtohet atyre nga ndonjë zyrë apo televizion me kërkesat për “paqe”. Por ata nuk e kanë ndërmend të nalen. Protestat po zhvillohen me moton “duart i keni të përgjakura”! Analistët atje thonë se gjendja është e elektrizuar si dikur në kohën e Millosheviqit. E këtë dëshmojnë edhe sulmet me thika e makina kundër studentëve dhe qytetarëve!
