Vdes Faik Rexhepi, simboli i rezistencës kundër Sllobodan Millosheviqit

Lajme

Vdes Faik Rexhepi, simboli i rezistencës kundër Sllobodan Millosheviqit

Më: 24 shkurt 2025 Në ora: 00:22
monumenti i të ndjerit Faik Rexhepi në Prishtinë

Ka vdekur Faik Rexhepi, burri nga Presheva që u shndërrua në simbol të rezistencë kundër Sllobodan Millosheviqit.

Lajmin e bëri të ditur, aktivisti i drejtave të njeriut, Belgzim Kamberi.

Kamberi njoftoi se varrimi i të ndjerit do të bëhet nesër në varrezat e qytetit në Dragodan në Prishtinë në ora 15:00.

Faik Rexhepi, i cili punonte në ndërmarrjen “Feronikeli” në Drenas, në gusht të 90-tës bashkë edhe me kolegët e tjerë kishin dalur që ta prisnin një delegacion të Kongresit amerikan.

Me këtë rast, policia serbe kishte ndërhyrë ashpër, duke tentuar që ta shpërndante masën.

Por, i vetmi që nuk luajti vendit ishte Faiku, i cili u ul këmbëkryq midis turmës.

Para disa vitesh pikërisht në vendin ku ai protestoi u vendos një monument që u quajtur “Burri që s’luajti vendit!”, në shenjë nderimi për veprën e tij.

comment Për komente lëvizni më poshtë
Sot mund të lexoni Shfletoni kopertinat