Ministri i jashtëm Bujar Osmani para mediave doli për të folur për temat e Forumit të Prespës, por gazetarët interesim më të madh shprehën për çështjen e Maqedonisë me Bullgarinë.
Sa i takon deklaratës së ministres për Evropë të Portugalisë, Ana Paola Zakarijas e cila tha se “gjuha maqedonase është gjuhë bullgare”, Osmani tha se Silva ka shprehur keqardhje.
“Shprehu keqardhje për atë se si ajo është shprehur dhe e riafirmoj edhe një herë pozitën e Portugalisë se qëndrimi i tyre edhe për gjuhën edhe për çështjet tjera që janë pjesë e kontestit me Bullgarinë mbeten vetëm ato që i kanë dërguar në dokumentin e shkruar si propozim”, tha ministri i Jashtëm, Bujar Osmani.
Sa i takon qëndrimit të Bullgarisë se gjuha maqedonase është bullgare dhe se u kodifikua në vitin 1945 Osmani thotë:
“Propozimi i kryesisë është që të jepet deklaratë unilatreale dhe nga ne pritet të konfirmohet fakti se gjuha është kodifikuar si kodifikim primar në vitin 1945”, shtoi Bujar Osmani – ministër i Punëve të Jashtme.
Këto komente ministri i Punëve të Jashtme, Bujar Osmani i bëri në paraqitjen para mediave në kuadër të Forumit të Prespës për Dialog.
