Lokalizohet zjarri i cili sot pasdite e kaploi atarin mbi fshatin Gabrovë të Dellçevës. Nga Njësiti Territorial Zjarrfikës informuan se ekipet e tyre do të qëndrojnë në afërsi të vendit të quajtur “Shtabi” i cili më së shumti është kapluar nga zjarri.
“Zjarri në lokacionin e përmendur ‘po digjej’ në disa vende me çka më se e nevojshme është kujdestaria e ekipeve tona edhe në orët e natës. Në zjarr është shkaktuar dëm material, ndërsa gjatë kësaj një person është lënduar”, informojnë nga NJTZ Dellçevë.
Sipas informacioneve të Shërbimit urgjent mjekësor, personi i lënduar është në gjendje të mirë pa lëndime dhe djegie më serioze.
Ky është zjarri i parë pas serisë së zjarreve të cilat gjatë muajit të kaluar e kapluan rajonin e Dellçevës dhe shkaktuan dëme me përmasa të paimagjinueshme.
