Komuna e Zhelinës është një ndër 44 komunat ku është votuar në rreth të dytë ndërsa për kryetarin e komunës kanë garuar Fatmir Izairi nga BDI dhe Blerim Sejdiu nga Lëvizja Besa. Rezultet janë nga Komisioni Shtetëror Zgjedhor.
Me 99,98% të votave të numëruara, me 5.100 vota ka humbur kandidati i BDI Fatmir Izairi, kundrejt Blerim Sejdiu të Lëvizjes Besa me 5.170 vota.
Në këtë komunë dalja ka qenë 41,84%, apo 10242 qytetarë që kanë votuar, nga 24485 gjithësejt me të drejtë vote.
Përndryshe, në rrethin e dytë të zgjedhjeve në Maqedoninë e Veriut dalja ka qenë 48,88%, apo 633.146 qytetarë nga 1.335.556 qytetarë që kanë mundur të votojnë në komunat ku është votuar për rreth të dytë.
