Analiza për efikasitetin e vaksinave kundër Covidi-19 ndaj popullatës në Republikën e Maqedonisë së Veriut tregoi se vaksinat janë shumë efektive në popullatën maqedonase në parandalimin e sëmundjeve të rënda dhe vdekjeve nga Covid-19.
Në konkluzioni nga analiza të publikuar nga Ministria e Shëndetësisë thuhet se vaksinat nga prodhues të ndryshëm nuk kishin dallime të mëdha në efektivitetin e tyre në parandalimin e vdekjes nga Covid-19, por kishte dallime në parandalimin e shtrimit në spital nga Covid-19. Analiza tregon se një dozë e vaksinës COVID-19 është e pamjaftueshme për të parandaluar pasojat e rënda të sëmundjes dhe thekson rëndësinë e marrjes së të paktën dy dozave të vaksinës.
Në një analizë fillestare gjithëpërfshirëse të efikasitetit të vaksinave kundër COVID-19 në parandalimin e shtrimit në spital dhe vdekjen nga Covid-19 tek qytetarët e Maqedonisë së Veriut, të gjithë përdoruesit e sistemit elektronik shëndetësor “Termini Im” janë monitoruar që nga dita e vaksinës së parë të regjistruar më 15 janar 2021 deri më 30 shtator 2021. Në analizë janë përfshirë gjithsej 1.886.124 qytetarë të moshës 11 vjeç e më lart, ku përfshihen 779.558 persona të vaksinuar që kanë marrë të paktën një dozë vaksine dhe 1.106.566 persona të pavaksinuar.
Nga personat të cilëve u është ofruar vaksina (11 vjeç e lart), në periudhën e dhënë 41,33% janë vaksinuar me të paktën një dozë, nga të cilat shumica (37,78%) janë vaksinuar plotësisht me dy doza. Shumica e të anketuarve morën vaksinën BfT162b2 nga Pfizer / BioNTech dhe vaksinën CoronaVac nga Sinovac.
Dy doza të vaksinës për Covid-19, nga prodhuesi Pfizer / BioNTech BNT162b2 tregoi efikasitetin më të lartë në parandalimin e shtrimit në spital, e ndjekur nga vaksina ChAdOx1-S (prodhuesi: AstraZeneca) dhe vaksina CoronaVac (prodhuesi Sinovac), të gjitha me mbi 92% efektivitet. Vaksinat BBIBP-CorV (prodhuar nga Sinopharm) dhe Gam-COVID-Vac (prodhuar nga Instituti Gamaleya) treguan efikasitet më të ulët në parandalimin e shtrimit në spital sesa tre vaksinat e mëparshme, por ishin ende shumë efektive, mbi 80%.
