Regjimi i LSDM-së dhe BDI-së dënoi mbi 200 vjet burg për deklaratën e Aleksandër Vasilevski-Ninxha dhe ai do të ecë i lirë në rrugë, akuzoi sot zëdhënësi i OBRM-PDUKM-së, Naum Stoilkovski, i cili theksoi se Ninxha është falur nga Presidenti Pendarovski me propozim të ministres Mariçiq dhe kryeministrit Zaev.
“Deklaratat e Ninas ishin prova vendimtare dhe gjoja e pakundërshtueshme për Prokurorinë dhe gjykatën për kryerjen e përndjekjes politike. Dhe ky ishte roli, por edhe vlera e përdorimit të Aleksandar Vasilevski-Ninxhës. Njerëzit janë burgosur për më shumë se 200 vjet në bazë të deklaratës së Ninxhas, dëshmitarit të kurorës për karrierën politike të Ruskovskës dhe Kacarskës, ndërsa Ninxha i dënuar për terrorizëm është në prag të lirimit”, tha zëdhënësi i OBRM-PDUKM-së.
Ai shton se Vasilevski e ka verdiktin më të vogël dhe vazhdimisht e shfrytëzon të drejtën për fundjavë.
Kujtojmë se Aleksandar Vasilevski – Ninxha u dënua me shtatë vite burg për cënim terrorist të rendit kushtetues për incidentet që ndodhën më 27 prill 2017 në Kuvend
