Deputeti i OBRM-PDUKM-së, Dragan Kovaçki edhe një herë i është drejtuar presidentit të Maqedonisë së Veriut, Stevo Pendarovski duke i thënë se mandatet kalojnë por turpi i tradhëtisë nuk kalon, njofton Telegrafi Maqedoni.
“Stevo, Maqedonia nuk është monarki. E as ti nuk mund të jesh në pushtet përjetësisht. Mandati do të kalojë por jo edhe turpi i tradhëtisë, i cili do të ndjek. Ti nuk je presidenti im” ka shkruar Kovaçki pas deklaratave të Pendarovskit se propozimi francez është i mirë për Maqedoninë e Veriut.
Përndryshe OBRM-PDUKM-ja opozitare është organizues i protestave të dhunshme kundër propozimit francez që ndërmjetëson për një marrëveshje me Bullgarinë për kontestin rreth historisë dhe gjuhës.
