Testimet kanë rënë në krahasim me periudhën e mëparshme dhe ky është një fenomen që po ndodh kudo në botë. Një analizë e re ka dalë nga Qendra për Kontrollin e Sëmundjeve e cila thotë se kjo valë ka dalë nga dy nënvariantet e reja të “omicron” – BA4 dhe BA5, në fakt është vala e dytë më e fortë në historinë e fundit të Covid-it që e kemi jetuar në dy vjet e gjysmë të fundit. Duke mos parë vetëm shifrat reale të rasteve pozitive në raportet ditore nuk do të thotë se nuk kemi një valë të fortë që po e përjetojmë aktualisht, tha për “TV 24” mjeku Zlate Mehmedoviq.
Ai pret një rritje të numrit të shtrimeve në spitale nga Covid-19.
“Në çfarë përqindje do të jetë, nuk mund të themi me siguri, por jemi duke e monitoruar situatën dhe varësisht se sa i ngarkuar është sistemi shëndetësor, Komisioni për Sëmundjet Infektive do të bëjë rekomandimet e duhura që do t’ia rekomandojë ministrit të Shëndetësisë”, tha ai.
Ai urdhëroi që të vazhdohet përdorimi i maskave në ambientet e mbyllura, të cilat janë me ajër të kondicionuar dhe jo mjaftueshëm të ajrosura, si dhe në qendra tregtare dhe vende të tjera të mbyllura.
