Borxhi në NTP-së është rritur në mënyrë drastike në vetëm 1 vit. OBRM-PDUKM dhe kryetari i tyre e kanë bllokuar këtë ndërmarrje publike dhe kanë vënë në pikëpyetje transportin publik në Shkup, akuzojnë nga LSDM.
Nga LSDM thonë se “kjo është arsyeja e vetme që sot punëtorët e NTP-së nuk janë paguar”.
“Kryetari sulmues që në platformën e partisë shpalli projekte për transport falas në Shkup, ku është tani? Mickoski, i cili shkoi në mitingje së bashku me Arsovskën, e cila kërkoi mbështetjen e banorëve të Shkupit për të mos u fshehur. Mickoski dhe Danella Arsovska të ulen, të fillojnë punën dhe ta zgjidhin problemin që e krijuan me NTP-në”, theksojnë nga LSDM.
Në Shkup, mëngjesin e sotëm është ndërprerë qarkullimi i autobusëve publikë për shkak të paralajmërimit të rremë për vendosjen e bombës në njërin prej autobusëve.
Në mëngjes policia arrestoi një punonjës të NTP-së, i cili i dërgoi një email drejtorit të asaj kompanie se do të vendoste bombë në një nga autobusët për shkak të pagës së parregullt.
