SPB Tetovë njofton se kanë dorëzuar kallëzim penal kundër 67-vjeçarit nga Vrutoku i Gostivarit për shkak të vrasjes së gruas së tij.
“Departamenti i Punëve të Brendshme Tetovë-Zyra e Jashtme për Çështje Kriminale Gostivar, dje (7-nëntor) ka dorëzuar kallëzim penal kundër 67-vjeçarit P.A. nga Vrutoku i Gostivarit për shkak të dyshimit se ka kryer vrasjen e bashkëshortes së tij 55-vjeçare B.A., vepër penale e dënueshme nga neni 123 paragrafi 2 pika 1 dhe 2 të Kodit Penal.
I denoncuari P.A. dyshohet se më 23 prill të këtij viti, në periudhën nga ora 21:30 deri në ora 24:00, në shëpinë e tyre familjare në Vrutok, me përdorimin e forcës fizike dhe me një mjet të mprehtë i ka shkaktuar lëndime të shumta vdekjeprurëse në kokë dhe trupin e gruas së tij, pas së cilës me taksi është larguar nga vendi dhe ka shkuar në Shkup”, njoftojnë nga SPB Tetovë.
