“Në fund të gushtit, para fillimit të programit të vjeshtës, Opera dhe Baleti Kombëtar u bllokua për shkak të borxheve të vjetra dhe vendimeve ekzekutive. Në Operë dhe Balet ka pasur borxhe nga projekti për renovimin e sallës, si dhe padi nga viti 2012 deri në vitin 2014 për ikebana të papaguara, fatura të papaguara në studio etj., tha ministrja e Kulturës, Bisera Kostadinovska-Stojçevska në “TV Sitel”.
Ajo shtoi se në atë moment këto borxhe kanë arritur te përmbaruesi dhe duhet të paguhen, për këtë arsye Ministria e Kulturës ka kërkuar nga Qeveria që të ndërhyjë.
“Qeveria erdhi të na takojë dhe na dha burime financiare, me të cilat zhbllokuam të tre institucionet. Vitin e kaluar 2022 e përmbyllëm me shlyerje dhe Ministria e Kulturës në vitin 2023 hyri me 0 denarë obligime të bartura prej kohëve të mëparshme”, tha Kostadinovska Stojçevska.
Ministrja tha se me Buxhetin e vitit 2023 janë paraparë të gjitha mjetet për pagat e punëtorëve të kulturës për gjithë vitin, si dhe parashikohen më shumë mjete për tarifat komunale të institucioneve të kulturës.
