Norma e rritjes së prodhimit të brendshëm bruto (BPV) për tremujorin e katërt të vitit 2022 është 0,6 për qind, njoftoi sot Enti Shtetëror i Statistikave (ESSH).
Në tremujorin e katërt të vitit 2022, rritja më e madhe është vërejtur në sektorët – Tregtia me shumicë dhe pakicë; riparimi i automjeteve dhe motoçikletave; Transporti dhe magazinimi; Objektet për akomodim dhe veprimtari shërbimi me ushqim për 8.3 për qind; Arte, argëtim dhe rekreacion; Aktivitete të tjera shërbimi; Aktivitetet të amvisërisë si punëdhënës; aktivitete të amvisërisë që prodhojnë mallra dhe kryejnë shërbime të ndryshme për nevojat e tyre nga 1.5 për qind, si dhe aktivitetet që lidhen me pasuritë e patundshme ka shënuar rritje për 1.3 për qind.
Konsumi final i amvisërive, përfshirë institucionet jofitimprurëse që u shërbejnë amvisërive, në tremujorin e katërt të vitit 2022, janë rritur për 17 për qind, ndërsa pjesëmarrja e tij në strukturën e prodhimit të brendshëm bruto është 67.1 për qind.
Në të njëjtën periudhë, eksporti i mallrave dhe shërbimeve u rrit nominalisht me 25.4 për qind, ndërsa importi i mallrave dhe shërbimeve shënoi rritje nominale prej 17.5 përqind.
Norma e BPV-së në tremujorin e parë të këtij viti ishte 2.4 për qind, në të dytin 2.8 për qind dhe në të tretin dy për qind.
