Sektori për Punë të Brendshme Shkup edhe gjatë ditës së djeshme (03.04.2023) ka vazhduar me kontrolle në zonën e komunikacionit.
Në territorin e qytetit të Shkupit janë shqiptuar gjithsej 219 masa, nga të cilat 88 sanksione për drejtim mjeti mbi shpejtësinë e lejuar, 14 masa për drejtim mjeti pa patentë shofer, nëntë sanksione për automjete me defekte teknike dhe të paregjistruara.
Pesë masa janë vendosur për përdorimin e celularit gjatë drejtimit të automjetit, dy sanksione për mospërdorimin e rripit të sigurimit, pesë masa për kalimin e sinjalit të mbyllur (drita e kuqe)…
Kontrollet e trafikut do të vazhdojnë edhe në ditët në vijim.
Apelojmë tek qytetarët që të respektojnë rregullat dhe rregulloret e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta.
