Kryetari i OBRM-PDUKM-së, Hristijan Mickoski ka folur për ngjaren e fundit të vrasjes së dy të rinjve në Shkup. Sipas Mickoski e gjithë kjo po ndodh sepse në Maqedoni ai që duhet ta ndjek krimin është partner i krimit.
“Kur nuk ka kufi të qartë mes qeverisë dhe krimit, kur gjysma e anëtarëve të karteleve ballkanike të drogës kanë pasaporta të Maqedonisë së Veriut që u jepen këtu, atëherë është normale që krimi ka vendin e vet, dhe fatkeqësisht kjo është Maqedonia jonë. Prandaj them se sa më shpejt të largohen, aq më shpejt do të përfundojë kjo sjellje devijante”, deklaroi kryetari Mickoski.
Këto komente Mikcoski i dha gjatë mbikëqyrjes së punimeve ndërtimore në rrugën lokale Novo Sellë – Bosillovë.
Lidhur me ngjarjen, nga Prokuroria as sot nuk kishin detaje shtesë. Nga atje thonë se po vijon mbledhja e dëshmive materiale por edhe dëgjimi i dëshmitarëve të ngjarjes.
