Ministri i Financave Fatmir Besimi thotë se për momentin nuk është paraparë ndonjë rebalanc i buxhetit, meqenëse sipas tij, Qeveria qysh më parë i ka caktuar masat anti-krizë për qytetarët dhe një vendim i tillë nuk është i nevojshëm.
U shpreh po ashtu se Qeveria ka ndarë rreth 225 milionë euro për masat antikrizë dhe do të intervenojnë varësisht nevojave.
“Qeveria ka paraparë 225 milion euro sivjet për masa anti-krizë e kjo do të thotë diku rreth 1,5% nga BPV dhe varësisht nga nevojat ashtu do të intervenojmë.
Tani për tani sipas planit sa i përket të ardhurave dhe të dalave mendoj se do të vazhdojmë ashtu siç është planifikuar në buxhet”, pohoi Fatmir Besimi, ministër i Financave.
