Në Klinikën për Sëmundje të Fëmijëve, gjatë ekzaminimit të dytë të bërë më 3 tetor, është bërë një mbikëqyrje në vlerësimin e nevojës për shtrimin në spital të fëmijës 14 muajsh i cili ka ndërruar jetë, tha ministri i Shëndetësisë, Arben Taravari.
Gjithashtu, në Klinikën e Mushkërive të Fëmijëve “Kozle” është konstatuar vlerësim joadekuat dhe i parakohshëm i peshës së vështirësive në frymëmarrje.
“Në mbikëqyrjen profesionale u konstatuan defekte të 3 llojeve: sistemike, teknike dhe ekspertizë. Në sistem u konstatua se nuk ka rekomandime apo algoritme për triazhimin e pacientëve në pranim dhe se nevojitet trajnim i vazhdueshëm për mjekët e Klinikës së Fëmijëve për Sëmundjet e Zemrës. Sa i përket mosfunksionimeve teknike, në Kozlle është konstatuar se ka nevojë për një aparat mbështetës të frymëmarrjes dhe përmirësim për organizimin e transportit nga një objekt në tjetrin”, tha Taravari.
Taravari tha se raporti i Komisionit do t’i dërgohet dy klinikave dhe Komisionit të Etikës të Odës së Mjekësisë dhe shpreson se do të merret seriozisht dhe do të merren masa.
Komisioni nuk ka gjetur asnjë lëshim në rastin e nënës 31-vjeçare nga Kumanova e cila ka ndërruar jetë më 27 shtator.
