Bogdanka Kuzeska nga LSDM thotë se kryetarja Gordana Siljanovska Davkova në vend që ta tërheqë menjëherë vendimin skandaloz për faljen e kriminelëve të dënuar dhe bosëve të drogës, ka tentuar t’i mashtrojë qytetarët pa u mbyllur syri.
“Ajo ka guximin të pretendojë se nuk ishte në dijeni të dosjeve kriminale të “personazheve me interes”, duke ia hedhur fajin Komisionit të Faljes.
Ky nuk është gjë tjetër veçse një manipulim klasik dhe nënvlerësim i inteligjencës së qytetarëve, edhe atyre që e votuan.
Por e vërteta është e qartë – Siljanovska e ka fjalën e fundit për faljet. Komisioni jep vetëm një mendim, dhe vendimi është ekskluzivisht i tij. Këtë e ka konfirmuar një anëtar i Komisionit, i cili përgjegjësinë ia ngarkon pa mëdyshje presidentit.
Në këtë skandal të madh, vendimtar është edhe roli i Ministrisë së Drejtësisë. Ministri i Drejtësisë nga Lëvizja ZNAM duhet t’i përgjigjet një pyetjeje të qartë: A ka dhënë mendim pozitiv Ministria e Drejtësisë për faljen e kriminelëve dhe bosëve të drogës? Ministri i Drejtësisë i detyrohet një përgjigje qytetarëve, pse hesht ndërsa skandali është ndezur? A ka pranuar personalisht lirimin e personave që kërcënojnë sigurinë e Maqedonisë?”, pyet Kuzeska.
