MPB Maqedoni njofton se dje (21.11.2024) në ora 07:15, rreth një kilometër nga tunelet e Demir Kapisë, punonjësit e policisë nga Qendra Rajonale për Çështje Kufitare Jug kanë privuar nga liria D.P (37) nga Bogdanci.
Pranë veturës Audi A6 me targa të Shtipit, të cilën e drejtonte ai, janë gjetur 10 emigrantë nga Siria.
“Më herët ai është parë në autostradën “Miqësia” pas kryqëzimit të Demir Kapisë, në drejtim të Gjevgjelisë, duke transportuar mërgimtarë me automjetin e tij. Pas marrjes së masave dhe aktiviteteve, automjeti dhe emigrantët u gjetën”.
“Emigrantët janë akomoduar në një qendër pranuese-transitore në Gjevgjeli, ndërsa D.P. është ndaluar në Stacionin Policor të Negotinës dhe pas procedurës së shpejtë kundër tij është bërë kallëzim penal, ndërsa nga gjyqtari i procedurës paraprake i është caktuar masa e ndalimit prej 30 ditësh. D.P. është dërguar në Burgu e Shkupit për vuajtjen e masës”, thonë nga MPB.
