“Artan Grubi, i cili në çdo paraqitje kërkonte hetim duke nisur nga partia e tij, tashmë është bërë sinonim i ikjes nga drejtësia. Artan, mos mendo se dosja jote do të harrohet me kalimin e ditëve, kthehu dhe përballu me drejtësinë, provo pafajësinë tënde”, thuhet në një deklaratë nga VLEN.
“Grubi fshihej në Shqipëri, jo në Kosovë siç aludohej”. E rëndësishme është që nëse ndan mendimet për të vazhduar jetën si “tradhtar” të zgjedhë vendet. Në asnjë mënyrë nuk duhet të vazhdojë të qëndrojë në Shqipëri, ky vend ka një vlerë dhe peshë të veçantë për shqiptarët, tani nuk duhet të perceptohet si strehë e të korruptuarve. Artan, veprimtaria jote është edhe më e rëndë se thjesht korrupsion, ke bërë një gabim historik dhe për këtë historia do të të dënojë kudo që të jesh. Përveçse i korruptuar, Artan Grubi e ka ngarkuar bagazhin e tij me shërbimin që i ka bërë Sasho Mijallkovit.
Artan, ik nga Shqipëria, ky vend nuk është i përshtatshëm për shërbëtorët më të mëdhenj antishqiptarë në Maqedoninë e Veriut. Artan, streha në Shqipëri nuk të bëri shqiptar të madh, shqiptarinë duhet ta kishe vërtetuar kur ishe në pushtet, por nuk e bëre. Në vend të kësaj, ju zgjidhni t’i shërbeni qarqeve antishqiptare, antievropiane dhe antiamerikane. Kur shqiptarët ju dërguan në institucion për t’i përfaqësuar, keni pasur problem me menaxhimin e egos dhe si rrjedhojë keni bërë skena lozonjare në institucione, keni kënaqur egon me ta, por keni prishur gjendjen sociale të qytetarëve shqiptarë”, thonë nga VLEN.
Nga VLEN shtojnë se ashtu siç Grubi ka ndarë gjithçka me Ali Ahmetin, duhet tashmë t’i ndajnë edhe pasojat.
