“Hiqni duart nga Gjykata Kushtetuese! Qëndroni realistë dhe me të vërtetë të përkushtuar ndaj shtetit të së drejtës, ndaj rrugës evropiane! Kushdo që mendon se shteti ligjor dhe shteti real do të pengohen nga manipulimet, presionet dhe ndikimet politike, mos u mërzitni! Askush nuk është mbi Kushtetutën. Të gjithë janë të detyruar të respektojnë Kushtetutën. Askush nuk mund të ketë më shumë pushtet dhe të drejta se ato që i jep Kushtetuta!”. Këtë e theksoi kryetari i Gjykatës Kushtetuese, Darko Kostadinovski, në konferencën për media, ndërsa shtoi se do të vazhdojë pa kompromis për të mbrojtur Kushtetutën dhe liritë dhe rregullat civile.
“Shteti i së drejtës dhe shteti juridik nuk mund të cenojnë të drejtat dhe ndjenjat e askujt, përkundrazi janë garanci për liritë dhe të drejtat tuaja të njohura nga e drejta ndërkombëtare dhe të përcaktuara në Kushtetutë! Mos lejoni askënd të manipulojë ndjenjat tuaja. Forca e Kushtetutës bazohet në vullnetin e secilit prej nesh për ta mbrojtur dhe për t’i qëndruar pas saj! Edhe unë do t’i qëndroj besnik premtimit tim që nga dita e parë si kryetar, besnik i jam vetëm Kushtetutës dhe askujt tjetër”, tha Kostadinovski.
Duke përmbledhur punën e bërë në vitin 2024, kryetari i Gjykatës Kushtetuese theksoi se ky është një vit në të cilin, me rastin e 60-vjetorit të ekzistencës së Gjykatës Kushtetuese, Gjykata u përball me reforma dhe risi të mëdha në punën e saj, por fatkeqësisht, ishte edhe një vit presioni dhe ndikimi serioz politik në Gjykatë.
“Veprimet për politizimin, etnizimin e procedurave dhe vendimeve të gjykatave me përdorimin e kualifikimeve të papërshtatshme për mua, për gjykatësit, padyshim paraqesin presion dhe ndikim politik në gjykatë. Unë i refuzoj presionet, ndikimet dhe manipulimet në shumë mënyra edhe tani e them këtë me indinjatë. Nuk kanë të bëjnë fare me dispozitat për ndikimin e ligjit, as me Kushtetutën, ligjet dhe kulturën politike dhe as me vlerat evropiane. Por ky është realiteti ynë shoqëror ose siç e quaj unë – realitet kushtetues”, theksoi Kostadinovski.
