“Çdo ditë e më shumë bëhet e qartë se paaftësia e kësaj qeverie është jo vetëm alarmante, por edhe e rrezikshme për sigurinë dhe përditshmërinë e qytetarëve. Rrugët në të gjithë vendin janë tërësisht të paqarta, qytetarët mbeten të ngujuar në borë, ndërsa shërbimet shtetërore sërish janë “të befasuar” nga kushtet atmosferike, sikur të ishte korrik e jo dhjetor”, kanë reaguar nga LSDM.
“Strazha është e bllokuar dhe nuk mund të kalohet. Autostrada Shkup-Tetovë-Gostivar, e cila është e një rëndësie kyçe, nuk është pastruar dhe lëvizja përgjatë qafës së Pletvarit është e vështirë, me rreziqe serioze për drejtuesit e mjeteve. Rruga për në Galiçnik prej një muaji është e pakalueshme, duke e lënë popullatën vendase në izolim të plotë.
Qytetarët janë lënë në dorën e tyre, ndërsa Rruga e Maqedonisë dhe Ministria e Punëve të Brendshme nuk tregojnë asnjë koordinim apo aftësi për zgjidhjen e problemeve. Vera pas nesh u shënua nga zjarre katastrofike, gjatë të cilave u dogj dhjetë për qind e territorit të vendit, për shkak të menaxhimit joadekuat dhe reagimit të vonuar. Qeveria në vend që të mësojë nga gabimet e saj, vazhdon me të njëjtën paaftësi epike dhe sot në kushtet e dimrit e vë popullsinë në rrezik serioz”, shkruan partia opozitare në një deklaratë.
LSDM tregon edhe një herë se OBRM-PDUKM duhet menjëherë të ndalojë së injoruari obligimet ndaj qytetarëve dhe të fillojë të punojë, duke e menaxhuar shtetin me seriozitet dhe përgjegjësi. Nëse nuk mund ta bëjnë këtë, vendi i tyre është jashtë pushtetit, sepse shteti dhe qytetarët e tij meritojnë më mirë.
