“Qeveria ka legjitimitetin e më shumë se 600 mijë qytetarëve që votuan më 8 maj. Kjo është ndoshta një nga qeveritë e rralla, që ka afro 80, e ndoshta më shumë se 80 deputetë, mbështetje brenda Kuvendit. Po ashtu është, kjo Qeveri është pa Bashkimin Demokratik për Integrim dhe ne e kemi thënë dhe kur kemi folur për këtë kemi dhënë edhe arsyet pse është kështu”.
Këtë e theksoi kryeministri i Maqedonisë së Veriut Hristijan Mickoski sot i pyetur nga një gazetar për konstatimin e partisë opozitare BDI, nga ku theksuan se Qeveria nuk ka legjitimitet etnik.
Ndër të tjera, Mickoski tha se mesazhe të tilla politike, pavarësisht përkatësisë etnike, refuzohen nga njerëzit e mençur.
“Ndonëse BDI-ja opozitare vazhdon të përçajë popullin, në vend që të kërkojë falje dhe të kërkojë kthimin e të arratisurve nga drejtësia. E shoh që ende nuk e kanë marrë mësimin prej andej. Në mungesë të ndonjë ideje tjetër që do të thotë një jetë më e mirë për qytetarët, ata përpiqen t’i polarizojnë qytetarët dhe mendojnë se një politikë e tillë u sjell rezultate. Unë mendoj se është e gjitha e gabuar dhe ata e shohin këtë në sondazhet e opinionit publik”.
“Por mirë, nëse mendojnë se duhet të vazhdojnë të punojnë kështu, le të punojnë, kjo është puna e tyre. Në vend që të kërkojnë falje dhe të kërkojnë kthimin e të arratisurve nga drejtësia, ata vazhdojnë të përçajnë njerëzit. Por populli është i urtë pa dallim etnie, populli është i urtë dhe i refuzon këto mesazhe politike nga opozita dhe kjo është mirë dhe do të vazhdojë edhe në të ardhmen”, sqaroi kryeministri Mickoski.
