Kryeministri Hristijan Mickoski edhe një herë ka shprehur indinjatën e tij për sjelljen e tregtarëve, të cilët, sipas tij, para festave i kanë ngritur çmimet e produkteve të caktuara deri në 25%.
“Kemi biseduar me të gjitha supermarketet e mëdha me të gjithë pronarët, kanë qenë në një event në Qeveri, kemi lënë vullnetin e mirë që të mos jemi me qasjen e kufizimit të çmimeve që ata thanë se ishte një masë jopopullore, donim të dëgjonim nga ata dhe kjo ndodhi.
Fakti që disa njerëz përdorin truket, do të ketë procedura të përshtatshme për ta. Analiza është në vazhdim e sipër dhe ato procedura do të zbatohen.
Fakti që ata menduan se do të na mashtronin dhe do të luanin me durimin e qeverisë, mendoj se nuk është mirë që ata të rishikojnë sjelljen e tyre. Kjo nuk është sjellje e duhur sidomos para festave. Sidomos jo kur çmimet rriten papritur për 25% dhe sot do të ketë reagim”, tha Mickoski.
Kryeministri gjithashtu dje njoftoi se qeveria e ka angazhuar Inspektoratin Shtetëror të Tregut për të dalë në terren dhe të konstatojë gjendjen faktike me çmimet e produkteve ushqimore.
