Kryeministri i Maqedonisë së Veriut, Hristijan Mickoski sot ka akuzuar BDI-në se po tenton të ngrenë tema monoetnike dhe të përpiqen të krijojnë konflikt ndëretnik.
“Unë e kuptoj nevojën, si për ju personalisht, ashtu edhe për opsionin politik që përfaqësoni, si koordinator dhe si zyrtar i lartë i një partie politike që në të kaluarën kishte fokusin kryesor te prokurimet publike, për të kaluar në agjendën e gjelbër dhe bëhuni ambientalistë, pastaj nga këtu kaloni në energji në fushën e minierave dhe importit të qymyrit, pastaj herë pas here si opsion politik të jeni mjaft aktiv në fushën e lojërave të fatit dhe në fund, pasi keni ardhur në opozitë, të tentojmë të sjellim polarizim në një shoqëri multietnike si kjo e jona me tema monoetnike”, i është përgjigjur kryeministri Mickoski pyetjes parlamentare që ia ka drejtuar nga koordinatori i Grupit Parlamentar të BDI-së, Blerim Bexheti, në seancën e sotme parlamentare.
Kryeministri Mickoski tregoi se mund ta njohë strategjinë e BDI-së për të hyrë në fërkime me OBRM-PDUKM-në për tema monoetnike, sepse vlerësojnë se kjo do t’u sjellë rezultate pozitive në mikro mjedisin ku veprojnë.
“Nuk po përmend emra, por po flas me një pjesë të madhe të kryetarëve të komunave që vijnë nga opsioni juaj politik dhe realisht kemi komunikim të shkëlqyer, sepse janë të gjithë të kënaqur me atë që po bën kjo qeveri, për të gjitha komunat dhe për të gjithë qytetarët. Të gjithë thonë se tanët nuk e kanë bërë këtë për më shumë se 20 vjet sa ishim në qeveri. Tani ka ardhur një qeveri që nuk i ndan njerëzit sipas përkatësisë etnike, partiake apo çfarëdo përkatësie, por qëllimi është që të realizohen projekte dhe punë për të gjithë qytetarët”, u përgjigj Mickoski.
Kryeministri theksoi se e kupton BDI-në për polarizimin, se do të vazhdojnë të ngrenë tema monoetnike dhe të përpiqen të krijojnë konflikt ndëretnik, por se nuk do të kenë sukses.
