“Ne duhet të shtyjmë përpara reformat evropiane, Evropa është atdheu ynë, aty e kemi vendin. Njeriu bëhet evropian me shtetin e së drejtës, me një ekonomi liberale, me luftën kundër korrupsionit dhe krimit”. Këtë e tha presidentja Gordana Siljanovska Davkova.
Sipas saj, zyrtarizimi i evropianizimit nuk sjell asgjë dhe nëse ndryshimet kushtetuese do të ishin garanci për evropianizimin, ne tani do të kryesonim BE-në.
Ajo beson se në realitet as Shqipëria dhe as Mali i Zi nuk janë para RMV-së dhe këtë, siç thotë, e ka treguar edhe procesi i skriningut.
“Tridhjetë e gjashtë amendamente në 30 vjet, është koha për të matur lëvizjet. Nuk mendoj se nëse arrijmë në reforma, nëse realizojmë kriteret e Kopenhagës, do të humbasim shumë, as nuk mendoj se nëse themi hajde dhe ndryshimet kushtetuese, atëherë kjo është pak e diskutueshme, sepse është ofenduese që deputetët të ndryshojnë për të disatën herë Kushtetutën. Pra përfaqësojnë qytetarët”.
“Nëse 80 për qind e qytetarëve kanë problem me këtë mënyrë të hapjes së negociatave, unë duhet t’i kushtoj vëmendje legjitimitetit, për mua legjitimiteti nuk vjen nga bashkësia ndërkombëtare, por nga qytetarët. Nuk e di sa herë në Kuvend e kudo tjetër kemi theksuar se procedura është garanci për demokracinë. Askush nuk mund ta kidnapojë shtetin, ta përvetësojë shtetin”, theksoi Siljanovska Davkova.
Ajo gjithashtu theksoi se qëndrimi i BE-së ndaj RMV-së do të ndryshojë nëse do të vazhdojë realisht me reformat.
