Për shkak të mjegullës, dukshmëri të ulur prej 50 deri 100 metra ka në qafën malore Stracin, Manastir, Prilep, Makedonski Brod, Koçan, Dellçevë, Strumicë dhe Petrovec, njoftoi Lidhja Auto Moto e Maqedonisë (LAMM).
Komunikacioni në rrugët e tjera në shtet zhvillohet në kushte dimërore, nëpër rrugë kryesisht të lagështa. Intensiteti i komunikacionit në akset rrugore jashtë mjediseve urbane është mesatar.
Në vendkalimet kufitare nga ana e Maqedonisë nuk ka vonesa të gjata për hyrje dhe dalje nga shteti.
LAMM rekomandon shpejtësi të adaptuar të lëvizjes, respektimin e sinjaleve të vendosura të komunikacionit e veçanërisht drejtim të kujdesshëm të automjetit, posaçërisht në rrugët nëpër gryka malore dhe lugina të lumenjve ku ekziston mundësia e rrëshqitjes së dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
