Policia e RMV-së njofton se dje ka arrestuar dy shtetas turq të cilët janë kapur duke kontrabanduar emigrantë.
“Dje rreth orës 12:15 minuta në magjistralen Tabanovc-Kumanovë, nga ana e punonjësve policorë të stacionit policor për mbikëqyrje kufitare në Qendrën Rajonale për Çështje Kufitare Veri, kanë ndaluar D.I.H (44) nga Republika e Turqisë, me vendbanim të përkohshëm në RMV. Gjatë kontrollit të ushtruar në automjetin “Opel Vectra” me targa të Kumanovës, të cilin e drejtonte, janë gjetur dy persona nga Republika e Turqisë, të cilët pas kontrolleve janë konstatuar se kanë hyrë ilegalisht në vend”.
“Më datë 28.01.2025 në ora 18.30 në stacionin e pagesës Smokvicë, punonjësit e Policisë së Stacionit të Policisë për Kontroll Kufitar dhe Vëzhgim Kufitar, kanë ndaluar personin N.T (45) nga Republika e Turqisë, me qëndrim të përkohshëm në RMV. Gjatë kontrollit të automjetit të pasagjerëve “Geely Atlas Pro” me targa të Shkupit, në pronësi të një kompanie të makinave me qira, të cilin e drejtonte, janë gjetur katër emigrantë nga Siria, njëri prej të cilëve i mitur”, njofton MPB.
Nga MPB shtojnë se pas dokumentimit të plotë të rasteve, ndaj personave do të ngrihen kallëzime përkatëse.
