“Sot deri tek kultivuesit e rrushit u realizua pagesa prej 315.745.324,00 denarësh për 11.689 persona”, njoftojnë nga Ministria e Bujqësisë, Pylltarisë dhe Ekonomisë së Ujrave.
Pagesa i referohet nënmasës 1.11 për prodhimin e realizuar të rrushit.
Përfitues të kësaj nënmase janë ekonomitë bujqësore që kanë deklaruar sipërfaqe të punueshme bujqësore me vreshta dhe që prodhimin e realizuar të rrushit e kanë dorëzuar tek një grumbullues i regjistruar, përfshirë edhe rrushin e prodhuar për kapacitetet e tyre përpunuese ose prodhimin e përdorur për nevoja vetjake dhe shitje në treg.
“Shuma e pagesave direkte rritet për 8.400 denarë për hektar në krahasim me shumën e përcaktuar të pagesave direkte nga nënmasa 1.11. Përkujdesja për bujqit vazhdon edhe më tej”, informojnë nga MBPEU.
