Kryetarja e shoqatës së infermierëve, teknikëve, akusherive dhe infermierëve stomatologë “ZA NAS”, Gordana Bishlimovska, ka theksuar sot se ka ardhur koha që të bëhet thirrje për punësim për infermierët që tashmë janë në pension.
“Ne po mendojmë të gjejmë një zgjidhje për t’u ofruar infermierëve pensionistë mundësinë për t’u rikthyer në spitale me disa kontrata pune me kusht, në mënyrë që ata të ndihmojnë spitalet dhe repartet që kanë mbetur pa personel”, tha ajo duke folur për problemin e mungesës së personelit në shëndetësi.
Ajo krahasoi edhe Slloveninë, e cila gjithashtu ka 2 milionë banorë, por me 17 mijë infermierë, ndërsa Maqedonia ka vetëm 9200.
“Për t’ju dhënë një ide se si duket, këtu është një shembull: 15 mjekë dhe 3 infermierë janë në një vizitë në mëngjes,” tha ajo.
