Prokurori publik nga Prokuroria Themelore Publike Shkup ka iniciuar procedurë kundër një personi për të cilin ekziston dyshimi se ka kryerveprën penale “Vjedhje e rëndë” dhe “Prodhimi dhe prokurimi i armëve dhe mjeteve me qëllim kryerjen e veprës penale”.
Më 24 shkurt, i dyshuari së bashku me një person tjetër i cili ende nuk është identifikuar, kanë hyrë në ambiente të mbyllura dhe kanë marrë pronën e luajtshme të dikujt tjetër me qëllim për ta përvetësuar në mënyrë të kundërligjshme.
Pasi i dyshuari paraprakisht kishte bërë çelësa fals për hapjen e dyerve, ai së bashku me bashkëpunëtorin e tij me dhunë kanë punuar në bravën e hyrjes së një banese në rrugën Dame Gruev.
Pasi e kanë zhbllokuar, kanë hyrë në banesë, e kanë bastisur dhe kontrolluar, si dhe kanë marrë 250 euro në prerje të ndryshme, mes tyre një çantë argjendi, stoli dhe më pas janë larguar nga vendi i ngjarjes.
Prokurori publik i ka dorëzuar gjyqtarit të procedurës paraprake propozim për caktimin e masës së paraburgimit për të dyshuarin, duke konsideruar se ekziston rreziku i arratisjes.
