Tre persona të tjerë nga zjarri në Koçan do të trajtohen në Turqi, njoftoi pasditen e sotme ambasada turke. Tre të rinj janë transportuar sot me avion në spitalin “Çam i Sakura” në Stamboll.
Ambasadori turk në vend Fatih Ulusoy i shoqëroi të lënduarit në Aeroportin Ndërkombëtar, pas nisjes së tyre nga Shkupi.
Në Turqi aktualisht po trajtohen 12 persona të lënduar. Nga këto, gjysma janë në spitalin “Çam i Sakura” në Stamboll, ndërsa gjysma tjetër në spitalin “Bilkent Şehir” në Ankara.
Ndërsa zëvendësministri i Punëve të Jashtme dhe kryenegociatori me BE-në, Mehmet Kemal Bozaj, i shprehu ngushëllimet mbarë popullit të Maqedonisë së Veriut për jetët e humbura në ngjarjen tragjike në Koçan.
