Olivia Wilde është përballur me një lum kritikash pasi lidhja e saj me Harry Styles u bë publike. Mirëpo për këtë arsye ajo ka marrë një vendim drastik për të mos lejuar asnjë lloj fjale të pahijshme në adresën e saj në Instagram.
Aktorja ka limituar komentet në postimet e saj nisur nga kritikat e panumërta për lidhjen e re. Pavarësisht se as ajo dhe as Harry nuk kanë folur publikisht për lidhjen e tyre, ata janë fotografuar disa herë në shoqërinë e njëri-tjetrit. Si fillim ata u fotografuan të kapur përdore në dasmën e menaxherit Jeff Azoof dhe aty nisën aludimet e para për një marrëdhënie. Më pas në media u publikuan imazhe të tjera që dëshmonin hapur lidhjen e tyre të re.
Harry dhe Olivia janë njohur me njëri-tjetrin muaj më parë për shkak të një projekti të përbashkët kinematografik, filmi “Don’t worry, darling”. Tabloidët britanikë ndëkrohë kanë mësuar se këngëtari e “Watermelon Sugar” dhe Olivia kanë filluar një romancë diskrete ndërsa ajo ishte ende në një lidhje me ish-partnerin e saj, Jason Sudeikis.
Gjithashtu, një burim tjetër ka pohuar për US Weekly faktin se ish-bashkëshorti i Olivias ende shpreson që të rikthehen bashkë.
“Jason nuk kishte zgjidhje tjetër veçse të tërhiqej dhe ta linte Olivia të bënte atë që donte. Por ai ende kryqëzon gishtat e tij dhe shpreson se kjo është vetëm një fazë dhe që Olivia do ta heqë dorë nga Harry “.
