Rita Ora me krenari zgjodhi të shfaqet me veshje kombëtare në klip.
Këngëtarja shqiptare me famë botërore, Rita Ora, së fundi publikoi disa sekuenca të klipit të ri.
Në sekuencat e videos që e paralajmëron klipin, Rita shihet e veshur me veshje tradicionale.
Kjo gjë u prit shumë mirë nga shqiptarët anë e mbarë botës, ndërsa është punuar nga kreatori Valdrin Sahiti.
Përmes një postimi, Rita falënderoi kreatorin për këtë veshje, teksa thekson se vjen pikërisht në kohën kur Kosova feston Pavarësinë.
“Valdrin Sahiti, ju e keni ‘mbytur’ këtë. Faleminderit. Pikërisht në kohën kur Kosova feston Pavarësinë”, shkruan ajo.
Ndryshe, kënga e re e Rita Orës me titull “Bang”, pritet të publikohet më 12 shkurt.
