George Clooney mori shumë famë me serialin “ER” në vitin 1994, ku ai portretizohej si një doktor donzhuan.
Roli i tij u pëlqye shumë pasi ishte i pashëm, pak djallëzor dhe zemërthyes. Pak a shumë siç ka qenë vetë Clooney dikur (para se të njihte Amalin).
Ndërkohë Amal po e ndjek për herë të parë këtë serial së fundmi dhe Clooney tregon se është në telashe.
“Bashkëshortja ime po e sheh tani serialin dhe më ka futur në telashe sepse i kisha harruar të gjitha të këqijat që roli im bënte për të tërhequr gratë”-tha aktori.
I pyetur nëse Amal do ndryshojë sjellje kur të shohë çfarë roli ka luajtur ai, Clooney u përgjigj me bindje se bashkëshortja e tij nuk do e bënte atë gjë.
