Boris Johnson thuhet se do të martohet me të fejuarën e tij, Carrie Symods, në korrik të vitit 2022 pasi ua dërgoi ftesat familjes dhe miqve.
Ata janë fejuar në fund të 2019 por, si shumë çifte, i kishin vënë në pritje planet e tyre të martesës për shkak të pandemisë së coronavirusit.
Ndërsa kjo do të jetë martesa e tretë Johnson, ajo do të jetë e para për Symonds.
Nuk dihet se ku saktësisht çifti do të kremtojnë ceremoninë e tyre. Sidoqoftë, rezidenca e kryeministrit në Buckinghamshire është e informuar për të organizuar dasmën. Një tjetër vend i mundshëm thuhet të jetë edhe Port Lympne në Kent.
Gjithashtu ishte raportuar më parë se dyshja mund të martoheshin në Itali, ku Symonds ka të afërm.
Sidoqoftë, një burim i tha The Sun: “Vendndodhja do të mbetej e fshehtë, por ftesat e dasmës ishin për të shtunën 30 korrik”.
Johnson, 55 vjeç, dhe Symonds, 33 vjeçe, ishin çifti i parë i pamartuar që jetuan në Downing Street, duke u zhvendosur atje në korrik 2019, dhe ai thuhet se ai propozoi për pushime në ishullin Karaibe.
Fejesa e tyre dhe lajmi se Symonds ishte shtatzënë u njoftua në shkurt të vitit të kaluar.
Në të njëjtin muaj, Johnson ishte divorcuar zyrtarisht nga gruaja e tij e mëparshme, Marina Wheeler, me të cilën ai ka dy vajza dhe dy djem.
Johnson më parë po ashtu ishte i martuar me Allegra Mostyn-Owen.
Djali i Symonds dhe Johnson, Wilfred Lawrie Nicholas Johnson, lindi në prill të vitit 2020.
