Gigi është kthyer pas në kohë.
Modelja e njohur Gigi Hadid, vitin e kaluar u bë nënë për herë të parë, duke sjellë në jetë një vajzë.
Bukuroshja tenton që jetën e saj private ta mbajë sa më larg syrit të publikut, ndërsa ende nuk e ka zbuluar portretin e vajzës.
Me anë të postimit të fundit, Gigi është bërë nostalgjike duke hapur arkivat e fotografive të realizuara gjatë ditëve të shtatzënisë.
Ajo kishte pozuar me pizhama e ulur në një krevat, teksa tregoi barkun e rrumbullakosur dhe nuk kishte vendosur grim në fytyrë.
“Këtë javë, vitin e kaluar”, shkruan ajo teksa kujton periudhën, kur nuk ishte paraqitur shumë shpesh në publik.
