Komediani, prezantuesi dhe reperi Nick Cannon dhe partnerja e tij Abby De La Rosa kanë mirëpritur në jetë dy djem binjakë!
De La Rosa postoi lajmin e lumtur në Instagram, së bashku me një video të saj në një shtrat spitali ku mbante në krahë të sapolindurit, të lindur më 14 qershor. Ajo ka zbuluar edhe emrat e binjakëve, Zion dhe Zilly.
"14 qershor 2021" ka shkruar në postim nëna e re. "Mirësevini në botë Cannon Zion Mixolydian & Cannon ZIllion Heir".
Për Nick Cannon, Zion dhe Zilly janë binjakët e dytë. Ai ka edhe 2 binjakë 9-vjeçarë, Moroccan dhe Monroe, me ish-gruan, këngëtaren Mariah Carey.
Cannon është gjithashtu baba i djalit 3-vjeçar Golden dhe vajzës Powerful Queen, e lindur në dhjetor të vitit 2020. Të dy i ka me Brittany Bell.
Aktori thuhet se po pret një fëmijë tjetër me modelen Alyssa Scott. Në një postim të fshirë në Instagram muajin e kaluar, Cannon me sa duket konfirmoi se fëmija që është rrugës ishte djalë dhe do të quhej Zen S.
