Reperi amerikan Lil Baby dhe një person tjetër janë liruar nga Policia në Paris, pasi ishin arrestuar nën akuzat për transportim të drogave, ka bërë të ditur zyra e prokurorit të Parisit.
Sipas njoftimit, të dy të arrestuarit janë dënuar me gjobë për përdorim të drogës.
Lil Baby, 26-vjeçar, emri i vërtetë i të cilit është Dominique Jones, ka qenë duke ndjekur Javën e Modës në Paris, bashkë me yllin e NBA-së, James Harden.
Një video e publikuar nga dëshmitarët e ngjarjes dhe e cila është bërë virale në internet, tregon disa policë duke marrë në pyetje reperin dhe shoqëruesin e tij. Në video basketbollisti Harden dëgjohet duke thënë se nuk po kupton se çfarë po ndodhë.
